काठमाडौं । नेपाल राष्ट्र बैंकले संस्थागत मुद्दती निक्षेपमा थप कठाइ गरेको छ । यस्तो व्यवस्थाले प्रत्यक्ष रुपमा बीमा कम्पनीहरुलाई असर पुर्याउने छ । राष्ट्र बैंकले तीन महिना भन्दा कम समयावधिको मुद्दती निक्षेप स्वीकार गर्न नपाउने व्यवस्थालाई थप संसोधन गरी यसैमा ६ महिना भन्दा कम समयावधिको संस्थागत मुद्दती निक्षेप स्वीकार गर्न नपाउने व्यवस्था गरेको हो ।
साथै मुद्दती निक्षेपको समयावधी समाप्त नहुँदै पूर्वनिर्धारित व्याजदर काम रहने गरी ग्राहकले चाहेको बखत जहिले पनि झिक्न पाउने गरी मुद्दती निक्षेप स्वीकार गर्न पाइने छैन । संस्थागत मुद्दती निक्षेपको हकमा ६ महिना व्यतित हुनु अगावै कुनै पनि रकम भुक्तानी/फिर्ता गर्न पाइने छैन । यस व्यवस्था पछि बीमा कम्पनीहरुले यसरी गरिएको मुद्दती निक्षेप व्यतित हुनु अगावै कुनै पनि रकम भुक्तानी/फिर्ता नपाउने भएका हुन् ।
