काठमाडौं । सांग्रिला डेभलपमेन्ट बैंकले लाभांश घोषणा गरेको छ । बैंकको माघ २६ गते दिउँसो साढे तीन बजे बसेको सञ्चालक समितिको बैठकले आर्थिक वर्ष २०७८/७९ को संचित मुनाफाबाट चुक्ता पूँजीको ८.५३२ प्रतिशत बोनस शेयर वितरण गर्ने प्रस्ताव गरेको छ । बैंकले चुक्ता पूँजी तीन अर्ब एक करोड रुपैयाँको ८.५३२ प्रतिशत अर्थात २५ करोड ६९ लाख रुपैयाँ बोनस शेयर वितरण गर्ने भएको हो ।
बोनस शेयरको कर प्रयोजनका लागि बैंकले ०.४४९ प्रतिशत नगद लाभांश पनि प्रस्ताव गरेको छ । प्रस्तावित लाभांश नेपाल राष्ट्र बैंकबाट स्वीकृति पाए पछि मात्रै आगामी वार्षिक साधारणसभामा पेश गर्न पाउने छ । साधारणसभाले लाभांशको प्रस्ताव पारित गरे पछि मात्रै शेयरधनीले पाउने छन् । प्रस्तवित बोनस शेयर वितरण पछि चुक्ता पूँजी तीन अर्ब २६ करोड नाघ्नेछ ।
