काठमाडौं । नेपाल स्टक एक्सचेञ्जले तीन कम्पनीको शेयर मूल्य समायोजन गरेको छ । नेप्सेले ज्योति विकास बैंक, सगरमाथा इन्स्योरेन्स र लुम्बिनी जनरल इन्स्योरेन्सको शेयर मूल्य समायोजन गरेको हो ।
ज्योति विकास बैंकको आजको अन्तिम कारोबार मुल्य ३१६ रुपैयाँको आधारमा नेप्सेले कम्पनीको प्रस्तावित ३ प्रतिशत बोनश शेयर वितरण पछिको शेयर मूल्य समायोजन गरेको हो । मुल्य समायोजनपछि कम्पनीको शेयर मुल्य ३०६ रुपैयाँ ८० पैसा कायम भएको छ ।
त्यस्तै, सगरमाथा इन्स्योरेन्सको आज अन्तिम कारोबार मुल्य ७९९ रुपैयाँ ८० पैसाको आधारमा नेप्सेले कम्पनकिो प्रस्तावित १२ दशमलव ४० प्रतिशत बोनश शेयर वितरण पछिको शेयर मूल्य समायोजन गरेको छ । मुल्य समायोजनपछि कम्पनीको शेयर मुल्य ७११ रुपैयाँ ५७ पैसा कायम भएको छ ।
त्यसैगरी लुम्बिनी जनरल इन्स्योरेन्सको आजको अन्तिम शेयर मुल्य ५६९ रुपैयाँको आधारमा कम्पनीको प्रस्ताति ६ दशमलव ९९ प्रतिशत बोनश शेयर वितरण पछिको शेयर मूल्य समायोजन भएको हो । मुल्य समायोजनपछि कम्पनकिो शेयर मुल्य ५३१ रुपैयाँ ८३ पैसा कायम भएको छ ।
