काठमाडौं । नेपाल बीमा प्राधिकरणको लम्बिनी प्रदेश कार्यालयले बीमा कम्पनीहरुको स्थलगत निरीक्षण सुरु गरेको छ । प्रादेशिका कार्यालयको स्थापना लगत्तै प्राप्त अधिकार अनुसार बीमा कम्पनीहरुको नियमन र सुपरिवेक्षणको काम सुरु गरिएको प्रादेशिका कार्यालय प्रमुख उप निर्देशक पुर्ण बहादुर थापाले जानकारी दिए ।
प्रादेशिका कार्यालयले हिजो सोमबार लुम्बिनी जनरल इन्स्योरेन्स कम्पनीको चनौटा शाखा कार्यालय कपिलबस्तुको अनुगमन गरेको हो । शाखा कार्यालयका कर्मचारीहरुलाई भेटेरै प्राधिकरणका पदाधिकारीहरुले प्राधिकरणबाट जारी भएका सम्पुर्ण निर्देशन तथा कम्प्लाइन्सहरु पुरा गर्न निर्देशन दिएका छन् ।
संस्थागत सुशासन तथा आवस्यक कम्प्लाइन्सहरु पुरा गर्न अनुरोध गरिएको थापाले जानकारी दिए । बीमितलाई समयमै दाबी भुक्तानी गर्न समेत उनिहरुले अनुरोध गरेका छन् । अहिले स्थलगत रुपमा निरिक्षण मात्रै गरिएकोले कम्पनीका भित्रि कारोबार तथा अन्य विषयमा नहेरिएको उनले जानकारी दिए । नेपाल बीमा प्राधिकरणले आफ्ना प्रादेशिक कार्यालयलाई केहि अधिकार प्रत्यायोजन सहित खटाएको छ ।
