काठमाडौं । तेह्रथुम पावर कम्पनीले चालु आर्थिक वर्षको दोस्रो त्रैमाससम्मको अपरिष्कृत वित्तीय विवरण प्रकाशित गरेको छ। चालु आर्थिक वर्षको पुस मसान्तसम्ममा कम्पनीले ६ लाख ६२ हजार रुपैयाँ खुद नाफा कमाएको छ। गत आर्थिक वर्षको सोही अवधिको तुलनामा कम्पनीको नाफा ९६ दशलमव १५ प्रतिशतले कम हो। गत आर्थिक वर्षको सोही अवधिसम्ममा कम्पनीले १ करोड ७१ लाख रुपैयाँ खुद नाफा कमाएको थियो।
यस अवधिमा कम्पनीको विद्युत बिक्री आम्दानी ४ दशमलव २५ प्रतिशत घटेर ८ करोड २७ लाख रुपैयाँमा सिमित भएको छ। गत आर्थिक वर्षको सोही अवधिसम्ममा कम्पनीले ८ करोड ६४ लाख रुपैयाँ यस्तो आम्दानी गरेको थियो।
त्यसैगरी, समीक्षा अवधिमा कम्पनीको वित्तीय खर्च ३ करोड ८८ लाख रुपैयाँबाट बढेर ५ करोड २१ लाख रुपैयाँ पुगेको छ। ४० करोड रुपैयाँ चुक्ता पूँजी भएको यस कम्पनीको जगेडा कोष ९ करोड ७५ लाख रुपैयाँ ऋणात्मक रहेको छ।
नाफासँगै कम्पनीको प्रतिशेयर आम्दानी पनि घटेको छ। यस अवधिमा कम्पनीको प्रतिशेयर आम्दानी ८ रुपैयाँ २६ पैसा घटेर ३३ पैसामा सीमित भएको छ। यस अवधिमा कम्पनीको प्रतिशेयर नेटवर्थ ७६ रुपैयाँ रहेको छ ।
