काठमाडौं । साना किसान विकास लघुवित्त वित्तीय संस्था लिमिटेडले चालु आर्थिक वर्षको दोस्रो त्रैमाससम्ममा ४३ करोड ४९ लाख रुपैयाँ खुद नाफा कमाएको छ । गत आर्थिक वर्षको सोही अवधिको तुलनामा कम्पनकिो नाफा ३४ दशमलव ३३ प्रतिशतले बढी हो ।
गत आर्थिक वर्षको पुस मसान्तसम्ममा कम्पनीले ३२ करोड ३८ लाख रुपैयाँ खुद नाफा कमाएको थियो । यस अवधिमा लघुवित्तले १ अर्ब ४४ करोड १८ लाख रुपैयाँ निक्षेप संकलन गरी ४ करोड ३३ लाख रुपैयाँ कर्जा लगानी गरेको छ ।
चुक्ता पूँजी १ अर्ब ५६ करोड ६४ लाख रुपैयाँ रहेको लघुवित्तको जगेडा कोषमा १ अर्ब ४३ करोड ४० लाख रुपैयाँ रहेको छ ।
यस अवधिमा लघुवित्तको खुद ब्याज आम्दानी ३७ दशमलव ४४ प्रतिशत बढेर ८४ करोड ९८ लाख रुपैयाँ पुगेको छ । गत आर्थिक वर्षको यहि अवधिमा लघुवित्तले ६१ करोड ८३ लाख रुपैयाँ खुद व्याज आम्दानी गरेको थियो ।यस्तै लघुवित्तको सञ्चालन मुनाफा पनि ३४।३९ प्रतिशत बढेर ६२ करोड ३ लाख रुपैयाँ पुगेको छ ।
यस अवधिमा लघुवित्तको प्रतिशेयर आम्दानी ५५ रुपैयाँ ६१ पैसा, नेटवर्थ २९४ रुपैयाँ ४९ पैसा र मुल्य आम्दानी अनुपात २२.७१ गुणा बढी रहेको छ ।
