काठमाडौं । बुद्धभूमि नेपाल हाइड्रोपावर कम्पनीले फागुन ५ गते साधारणसभा आह्वान गरेको छ । कम्पनीको माघ ११ गते बसेको संचालक समितिको बैठकले उक्त सभाो मिति तय गरेको हो । कम्पनीले एक साथ दुई आर्थिक वर्षको साधारणसभा गर्न लागेको हो ।
त्यस्तै, सञ्चालक समितिको आर्थिक वर्ष २०७७/०७८ तथा २०७८/७९ को वार्षिक प्रतिवेदन पारित गर्ने, वार्षिक आर्थिक विवरण, लेखापरीक्षकको प्रतिवेदन सहितको २०७८ आषाढ मसान्त तथा २०७९ आषाढ मसान्तको वासलात तथा मिति २०७७ श्रावण १ देखि २०७८ आषाढ मसान्त तथा २०७८ श्रावण १ देखि २०७९ आषाढ मसान्तसम्मको नाफा नोक्सान हिसाब र सोहि अवधिको नगद प्रवाह विवरण सम्बन्धी विषयमा छलफल गरी स्वीकृत गर्नेछ ।
त्यस्तै, आर्थिक वर्ष २०७९/८० का लागि लेखापरीक्षक नियुक्तिगर्ने र निजको पारिश्रमिक तोक्ने, सर्बसाधारण शेयरधनीहरु ९समूह ख० बाट प्रतिनिधित्व गर्ने २ जना संचालकहरुको निर्वाचन गर्ने प्रस्ताव पारित गर्नेछ ।
सभाले स्वतन्त्र संचालक नियुक्त गर्ने सम्बन्धमा, कम्पनीले सामाजिक उत्तरदायित्व अन्तर्गत गरेको आर्थिक सहयोग लाई अनुमोदन गर्ने सम्बन्धमा, कम्पनीले आफ्नो चुक्ता पूँजी र सञ्चित मुनाफा भन्दा बढी हुने गरी लिएको ऋण अनुमोदन गर्ने लगायतका प्रस्ताव पारित गर्नेछ ।
कम्पनीले साधारणसभा प्रयोजनको लागि माघ १९ गते बुक क्लोज गर्ने निर्णय गरेको छ । माघ १८ गतेसम्म कायम शेयरधनीले मात्र सभामा भाग लिन सक्ने छन् । कम्पनीले लाभांश प्रस्ताव गरेको छैन ।
