काठमाडौं । नेपाल प्राइभेट इक्विटी संघको अध्यक्षमा सिद्धान्तराज पाण्डे चयन भएका छन् । संघको आज सम्पन्न पहिलो वार्षिक साधारणसभाले पाण्डेलाई अध्यक्षमा चयन गरेको हो । नवनियुक्त अध्यक्ष पाण्डेले बिजनेश अक्सिजनबाट प्रतिनिधित्व गर्ने छन् ।
यसैगरी संघको सदस्यहरुमा ग्लोबल इक्विटी फण्डका तर्फबाट डा. मनिष थापा, प्रभु क्यापिटलका तर्फबाट दिनेश थकाली, डोल्मा इम्प्याक्ट फण्डका तर्फबाट विद्यावारिधि सिग्देल र ट्रू नर्थ एसोसिएट्सका तर्फबाट निधान श्रेष्ठ चयन भएका छन् ।
हाल संघमा विभिन्न १३ वटा प्राइभेट इक्विटी एण्ड भेञ्चर क्यापिटल आवद्ध रहेका छन् ।
