काठमाडौं । इक्रा नेपाल लिमिटेडले दुई कम्पनीलाई क्रेडिट रेटिङ्ग प्रदान गरेको छ । इक्रा नेपालले लाफिङ्ग बुद्ध पावर नेपाल लिमिटेड र हिम स्टार उर्जा कम्पनी लिमिटेडलाई क्रेडिट रेटिङ्ग प्रदान गरेको हो ।
इक्रा नेपालले लाफिङ्ग बुद्ध पावर नेपाल लिमिटेडलाई (इक्रा एनपी आईआर) बी माइनस रेटिङ्ग प्रदान गरेको छ । उक्त रेटिङ्ग प्राप्त गर्ने निकायहरू समयमा वित्तीय दायित्व पूरा गर्ने सम्बन्धमा उच्च जोखिम रहेका मानिन्छन् ।
त्यस्तैगरी इक्रा नेपालले हिम स्टार उर्जा कम्पनी लिमिटेडलाई (इक्रा एनपी आईआर) बी प्लस रेटिङ्ग प्रदान गरेको छ । उक्त रेटिङ्ग प्राप्त गर्ने निकायहरू समयमा वित्तीय दायित्व पूरा गर्ने सम्बन्धमा मध्यम जोखिम रहेका मानिन्छन् ।
उक्त रेटिङ्ग निष्काशनकर्ताको सामान्य क्रेडिट विश्वसनीयता सम्बन्धी रायमात्र रहेको र यो कुनै खास ऋणपत्र विशेषको राय नभएको इक्रा नेपालले जनाएको छ ।
A.160-Laughing-Buddha-Power-Nepal-Limited
A.161-Him-Star-Urja-Company-Limited (1)
