काठमाडौं । प्रतिनिधिसभाको सभामुखमा एमाले सांसद देवराज घिमिरे निर्वाचित भएका छन् ।
माघ ५ गते बसेको प्रतिनिधिसभाको बैठकमा भएको मतदानमा प्रक्रियामा घिमिरेको पक्षमा बहुमत पुगेपछि उनी विजयी भएको घोषणा संसदका जेष्ठ नागरिक पशुपतिशमशेर राणाले गरेका हुन् ।
उपस्थित २६८ सांसदमध्ये १६७ जना घिमिरेको पक्षमा देखिए भने उनको विपक्षमा १०० जना रहेका थिए । तर एक जना साँसद भने पक्ष र विपक्ष कुनैमा उभिएका थिएनन् ।
घिमिरेलको पक्षमा नेकपा माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, नागरिक उन्मुक्ति पार्टी, जनता समाजवादी पार्टी तथा स्वतन्त्र साँसदहरु रहेका थिए ।
