काठमाडौं । कालिञ्चोक दर्शन लिमिटेडले सर्वसाधारणका लागि जारी गरेको आईपीओमा ७ लाख ८४ हजार ६३२ जनाको आवेदन परेको छ । कम्पनीले माघ ३ देखि ६ गतेसम्मका लागि सर्वसाधारणमा आईपीओ बिक्रि खुल्ला गरिएको थियो ।
आईपीओ निष्काशन गरेको दोस्रो दिनमै कम्पनीले बिक्रि गरिएको आईपीओ कित्ताभन्दा १० गुणा बढी कित्ताको माग भएको छ । हाल ७ लाख ८४ हजार ६३२ जनाले ९२ लाख ३६ हजार ९५० कित्ता शेयरका लागि आवेदन परेको छ ।
कम्पनीले आफ्नो जारी पूँजीको ६० करोडको १८ प्रतिशतले हुन आउने १० करोड ८० लाख बराबरको १० लाख ८० हजार कित्ता शेयर सर्वसाधारणका लागि छुट्याएको थियो । जसमध्ये १० प्रतिशतले हुन आउने १ लाख ८ हजार कित्ता वैदेशिक रोजारीमा गएकालाई निष्काशन गरिसकेको छ ।
साथै ५ प्रतिशतले हुन आउने ५४ हजार कित्ता सामूहिक नागरिक लगानी कोषमा बाँडफाँड गरिएको । दुई प्रतिशत कर्मचारीका लागि छुट्याएको छ भने बाँकी रहेको ८ लाख ९६ हजार ४ सय कित्ता शेयर भने सर्वसाधारण नेपालीका लागि छुट्याएको हो ।
