काठमाडौं । युनाइटेड मोदी हाइड्रोपावर कम्पनीले रिक्त रहेको सञ्चालकको नियुक्ति सँगै लाभांश घोषणा गरेको छ । कम्पनीको पुस २९ गते बसेको सञ्चालक समितिको बैठकले चुक्ता पूँजीको ७ प्रतिशत बोनस शेयर र कर प्रयोजनका लागि ०.३६८ प्रतिशत नगद लाभांशको प्रस्ताव गरेको छ ।
प्रस्तुत लाभांश विद्युत नियमन आयोगबाट स्वीकृत भए पछि मात्रै कम्पनीले आगामी वार्षिक साधारणसभामा पारितका लागि पेश गर्नेछ । साधारणसभाले पारित गरेपछि शेयरधनीले पाउने छन् । हाल कम्पनीको चुक्ता पूँजी एक अर्ब १५ करोड रुपैयाँ रहेको छ । साधारणसभाबाट लाभांश पारित पछि चुक्ता पूँजी एक अर्ब २३ करोड पुग्नेछ ।
यहि सञ्चालक समितिको बैठकले एक जना स्वतन्त्र सञ्चालकको नियुक्ति गरेको छ । स्वतन्त्र सञ्चालक नियुक्तिका लागि तीन जनाको नाम सिफारिस भएकोमा सञ्चालक समितिले उनिहरु मध्येबाट अमित पाण्डेलाई नियुक्ति गर्ने निर्णय गरेको छ । उनको नियुक्तिलाई आगामी वार्षिक साधारणसभाले अनुमोदन गर्नेछ ।
1673608723568
