काठमाण्डाै । काठमाण्डाैबाट पाेखराका लागी आइतबार बिहान उडेकाे यती एयरकाे एटिआर ७२ विमान दुर्घटनामा परी आगलागी भएकाेमा ६२ जना यात्रुकाे शव भेटिएकाे उद्धार कार्यको नेतृत्व गरिरहेको नेपाली सेनाले जानकारी दिएको छ ।
पाेखरा विमानस्थलका अनुसार काठमाण्डाैबाट बिहान १०:३३ बजे उडेकाे जहाज अनियन्त्रित भई पाेखराकाे सेती खाेंचमा खसेकाे विमानमा आगलागी भएकाे थियाे ।
नाइएन एएनसी संकेत नम्बरकाे जहाजकाे उडान पाइलट कमल केसी नेतृत्वकाे चालक दलले गरेकाे थियाे ।
जहाजमा कुल ६८ यात्री र चालक दलका ४ सदस्य सवार थिए । सवार यात्रुमध्ये ५३ नेपाली, ५ भारतीय, ४ रुसी,२ कोरियाली, अर्जेन्टिनी, अष्ट्रेलियाली, आयरल्याण्ड, र फ्रान्सका १-१ नागरिक थिए ।
