काठमाडौं । अरुण भ्याली हाइड्रोपावर डेभलपमेन्ट कम्पनी लिमिटेडले प्रस्ताव गरेको यस वर्षको लाभांश नियामक निकाय विद्युत नियमन आयोगले स्वीकृत गरेको छ ।
मंसिर २६ गते बसेको कम्पनीको सञ्चालक समितिको बैठकले गत वर्षको मुनाफाबाट हाल कायम चुक्ता पूँजीको आधारमा ८ प्रतिशत बोनश शेयर र कर प्रयोजनका लागि शून्य दशमलव ४२ प्रतिशत नगद लाभांश दिने निर्णय गरेको थियो । उक्त लाभांश वितरणका लागि विद्युत नियमन आयोगले पुस २८ गते स्वीकृति प्रदान गरेको कम्पनीले जनाएको छ ।
प्रस्तावित लाभांश विद्युत नियमन आयोगको स्वीकृति पछि पनि कम्पनीको आगामी वार्षिक साधारण सभाबाट पारित भएपछि मात्र वितरण हुनेछ ।
कम्पनीले हाल कायम चुक्तापूँजी रू। १ अर्ब ७२ करोड ९५ लाख ९५ हजारको आधारमा कुल ८ दशमलव ४२ प्रतिशत लाभांश वितरण गर्न लागेको हो । कम्पनीले वार्षिक साधारण सभा भने पुस मसान्तभित्र नगर्ने जनाएको छ ।
