काठमाडौं । कृषि विकास बैंकले लाभांश घोषणा गरेको छ । बैंकको आज विहान ७ बजेर ४५ मिनेटमा बसेको सञ्चालक समितिको बैठकले चुक्त पूँजीको २ प्रतिशत बोनस शेयर र ११ प्रतिशत नगद लाभांश प्रस्ताव गरेको छ ।
बैंकले गत आर्थिक वर्ष २०७८/७९ को मुनानफाबाट चुक्ता पूँजी १३ अर्ब १८ करोडको २ प्रतिशत बोनस शेयर र कर प्रयोजन सहित ११ प्रतिशत नगद लाभांश प्रस्ताव गरेको हो । प्रस्तावित लाभांश नेपाल राष्ट्र बैंकबाट स्वीकृत भए पछि मात्रै आगामी वार्षिक साधारणसभामा पेश गर्नेछ ।
यस पटक बैंकले सरकारलाई राजस्व बढाउने नीति अनुरुप नगद लाभांशलाई जोड दिएको छ । दोस्रो बजारलाई सामान्य संबोधन गर्ने २ प्रतिशत बोनस शेयर पनि दिने भएको हो । प्रस्तावित बोनस शेयर वितरण पछि बैंकको चुक्ता पूँजी १३ अर्ब ३९ करोड पुग्नेछ ।
नेपाल सरकारको हाल कायम भएको फिर्ता नहुने अग्राधिकार शेयर पूँजीमा समेत वार्षिक ६ प्रतिशतले हुने नगद लाभांश रकम समेत प्रदान गर्ने निर्णय गरेको छ । यस्तो लाभांश हरेक वर्ष प्रदान गर्दै आएको छ ।
