काठमाडौं । नेपाल स्टक एक्सचेञ्जमा नेपाल राष्ट्र बैंकको विकास ऋणपत्र सूचिकृत भएको छ । राष्ट्र बैंकको ३ वटा विकास ऋणपत्र आज नेप्सेमा सूचिकृत भएको हो ।
राष्ट्र बैंकको २ वर्षे अवधि तथा १० दशमलव ६४ प्रतिशत ब्याजदर भएको ८ अर्ब रुपैयाँको ‘२०८१ छ’ नामक ऋणपत्र, ३ वर्षे अवधि तथा १० प्रतिशत ब्याजदर भएको २ अर्ब रुपैयाँको ‘२०८२ छ’ नामक ऋणपत्र र ४ वर्षे अवधि तथा १० दशमलव ९३ प्रतिशत ब्याजदर भएको ५ अर्ब रुपैयाँको ‘२०८३ ज’ नामक ऋणपत्र सूचिकृत भएको हो ।
