काठमाडौं । निर्धन उत्थान लघुवित्त वित्तीय संस्थाले लाभांश घोषणा गरेको छ । संस्थाको पुस १९ गते मंगलबार अपरान्ह चार बजे बसेको सञ्चालक समितिको बैठकले गत आर्थिक वर्ष २०७८/७९ को मुनाफाबाट चुक्ता पूँजी २ अर्ब १९ करोडको २० प्रतिशत लाभांशको प्रस्ताव गरेको छ ।
संस्थाले १९ प्रतिशत बोनस शेयर र बोनस शेयरमा लाग्ने कर प्रयोजनका लागि एक प्रतिशत नगद लाभांश दिने भएको हो । संस्थाले प्रस्ताव गरेको बोनस शेयर ४१ करोड ७० लाख वितरण पछि चुक्ता पूँजी २ अर्ब ६२ करोड रुपैयाँ पुग्नेछ ।
प्रस्तावित लाभांश नेपाल राष्ट्र बैंकबाट स्वीकृत भए पछि मात्रै आगामी वार्षिक साधारणसभामा पेश गर्न पाउने छ । साधारणसभाले लाभांश पारित गरेपछि बल्ल शेयरधनीहरुले पाउने छन् ।
1672805535744
