काठमाडौं । नेपाल राष्ट्र बैंकले नेशनल माइक्रोफाइनान्स लघुवित्त वित्तीय संस्था र समिट लघुवित्तलाई मर्जरको सैद्धान्तिक सहमति प्रदान गरेको छ । राष्ट्र बैंकले बैंक तथा वित्तीय संस्थान सम्बन्धी ऐन २०७३ र बैंक तथा वित्तीय संस्था एक आपसमा गाभ्ने/गाभिने सम्बन्धी विनियमावली २०७५ बमोजिम सैद्धान्तिक सहमति प्रदान गरेको हो ।
गाभ्ने/गाभिने सम्बन्धी अन्तिम स्वीकृतिका लागि राष्ट्र बैंकमा निवेदन दिदा दुबै संस्थाको एकिकृत पूँजीकोष अनुपात राष्ट्र बैंकले नै जारी गरेका निर्देशन बमोजिम पर्याप्त हुनुपर्नेछ । दुबै संस्थालाई राष्ट्र बैंकको सुपरिवेक्षण विभागबाट निरीक्षण तथा सुपरिवेक्षणका सिलसिलामा दिइएका सबै निर्देशनहरुको पालना तोकिएको समयभित्र गरी सो सम्बन्धी जानकारी गराउनु पर्नेछ ।
त्यस्तै स्वाप रेसियो अनुसार शेयरधनीहरुको कायम हुने कुल शेयर संखया पनि स्पष्ट खुलाउनु पर्ने राष्ट्र बैंकले जनाएको छ । राष्ट्र बैंकले १० बुँदे सर्तहरु सहित सैद्धान्तिक सहमति दिएको हो । अव पुर्ण मर्जर अगाडी उक्त १० वटा सर्तहरुको पालना गर्नु पर्नेछ ।
1672634516539
