काठमाडौं । माओवादी केन्द्रका अध्यक्ष पुष्पकमल दाहाल ‘प्रचण्ड’ को प्रचण्ड नेतृत्वमा बनेको सरकारमा राष्ट्रिय स्वतन्त्र पार्टी ‘रास्वपा’ का अध्यक्ष रबि लामिछाने गृहमन्त्रीमा नियुक्त हुने पक्का भएको छ । लामिछानेको पाटीले प्रचण्डलाई प्रधानमन्त्री बनाउन समर्थन दिएसँगै उपप्रधामन्त्री र गृहमन्त्रीमा दाबी गरेका थिए ।
बहुमतसँगै नयाँ गठन हुने सरकारमा प्रधानमन्त्रीको रुपमा प्रचण्ड रहने भएका छन् भने अर्थमन्त्रीमा नेकपा एमालेका नेता विष्णु पौडेल नियुक्त हुने भएका हुन्। ७ दलका कुल १६६ सांसदको समर्थनमा बन्ने सरकारमा रास्वपाका अध्यक्ष लामिछाने भने गृहमन्त्रीमा नियुक्त हुने भएका छन् । प्रचण्डलाई समर्थन गर्ने जनमत, राप्रपा र नागरिक उन्मुक्ति पाटी भने सरकारबाहिरै बस्ने सोचमा रहेका छन् ।
सञ्चारकर्मीका रुपमा सक्रिय रहेका लामिछानेले गत असार महिनामा पाटी गठन गरेका थिए । पार्टी दर्तासँगै देशव्यापी दौडधूपमा रहेका उनले मंसिर ४ गते सम्पन्न प्रदेश तथा प्रतिनिधि सभाको निर्वाचनमा चितवन, क्षेत्र न.२ बाट प्रतिनिधिसभा चयन भएका थिए । पार्टी गठनसँगै उनको पार्टीले देशभरबाट २० सिट जितेका थिए । युवा पुस्ताको रोजाइमा परेको रास्वपाका अध्यक्ष लामिछानेको नागरिकताबारे भने बेला बेलामा निक्कै वादविवाद आउने गरेको छ । उनको नागरिकताको बारेमा निश्पक्ष छानविन गर्न भन्दै सर्वाेच्च अदालतमा मुद्धा समेत परेको छ । नागरिकता विवादमा रहेका लामिछाने आफै गृहमन्त्री नियुक्त हुने भएपछि नागरिकतामाथिको विवाद उनी स्वयमले छानविन गर्ने सम्भावना रहेको छ ।
