काठमाडौं । याम्बालिङ्ग हाइड्रोपावर लिमिटेडले पुस २९ गते दोस्रो वार्षिक साधारण सभा बोलाएको छ । कम्पनीको पुस ७ गतेको सञ्चालक समितिको बैठकले हार्दिक होटल बागबजार, काठमाडौंमा बिहान ८ बजे सभा गर्ने निर्णय गरेको हो ।
सभाले गत आर्थिक वर्ष ०७८/७९ को वार्षिक प्रतिवेदन सहितका वित्तीय विवरण पारित गर्नुका साथै आइपीओ जारी गर्ने प्रस्तावलाई समेत स्वीकृति प्रदान गर्नेछ ।
साथै कम्पनीको सञ्चालक समितिमा एकजना अनिवार्य महिला सदस्य रहने गरी नियमावली संशोधनको विषय पनि सभाले पारित गर्नेछ ।
