काठमाडौं । मेगा बैंकबाट गत चैतमा राजिनामा दिएकी प्रमुख कार्यकारी अधिकृत अनुपमा खुञ्जेलीले गत आर्थिक वर्षमा एक करोड ७४ लाख रुपैयाँ बुझेकी छिन् । खुञ्जेलीले गत चैतमा ४ वर्षे कार्यकाल पुरा गरेर राजिनामा दिएकी थिइन् ।
यस अवधिमा खुञ्जेलीले तलब बापत एक करोड रुपैयाँ बुझेकी छिन् । त्यस्तै भत्ता बापत १९ लाख ४२ हजार रुपैयाँ प्राप्त गरेकी छिन् । उनको सञ्चयकोषमा २ लाख ३७ हजार रुपैयाँ जम्मा भएको छ । नियम अनुसार दशै भत्ता ८ लाख ५० हजार रुपैयाँ प्राप्त गरेकी छिन भने बोनस र वयलफेयर बापत ४० लाख ४३ हजार रुपैयाँ र इन्धन बापत तीन लाख ७५ हजार रुपैयाँ बुझेकी छिन् । यस बाहेक उनले नियम अनुसार गाडी सुविधा, चालक, मोबाइल खर्च, बीमा प्रपात गरेकी छिन् । उनि नेपालकै बैंकिङ क्षेत्रकी पहिलो महिला सिइओ हुन् ।
बैंक व्यवस्थापकले दोस्रो कार्यकालका लागि दोहोर्याउन नचाहे पछि कार्यकाल सकिनु भन्दा केहि दिन अगाडी राजिनामा दिएर बाहिरिएकी थिइन् । अहिले बैंकको एक्टिङ सिइओमा रविना देशराज श्रेष्ठ छिन् । बैंकले आज १२ औ वार्षिक साधारणसभा सम्पन्न गरेको छ । नेपाल इन्भेष्टमेन्ट बैंक सँग मर्जरको अन्तिम तयारीमा रहेको छ । मर्जरकै कारण बैंकले विगत ७/८ महिनादेखि नयाँ सिइओ नियुक्त नगरी बसेको छ ।
