काठमाडौं । नेपाल राष्ट्र बैंकले प्रथम त्रैमाशिक मौद्रिक समिक्षाका क्रममा घटाएको स्प्रेडदर चैतेदखि मात्रै लागु हुने भएको छ । बैंकहरुले असार मसान्तदेखि निक्षेपमा दिने र ऋणमा दिने ब्याजको अन्तर (स्प्रेड दर) ४ प्रतिशतमा झार्नु पर्ने भएको छ । यद्यपी कार्यान्वयन भने चैतबाटै गर्नु पर्ने हुन्छ ।
राष्ट्र बैंकका अनुसार बाणिज्य बैंकहरुले यस्तो दर चैत महिनाबाट ४.२ प्रतिशत र असारसम्ममा ४ प्रतिशतमा झार्नै पर्नेछ । त्यस्तै विकास बैंक र फाइनान्सहरुको हकमा चैतबाट ४.८ प्रतिशत र असारबाट ४.६ प्रतिशतमा झार्नु पर्ने राष्ट्र बैंकले जनाएको छ । हाल बाणिज्य बैंकको स्प्रेडदर ४.४ प्रतिशत र विकास बैंक तथा फाइनान्सको ५ प्रतिशत छ ।
