काठमाडौं । मेगा बैंकको लाभांश संशोधन भएको छ । बैंकले यस अघि प्रस्ताव गरेको नगद लाभांशमा सामान्य परिमार्जन गरेको हो । बैंकले यस अघि ४ प्रतिशत बोनश शेयर र ३ दशमलव ८३ प्रतिशत नगद लाभांश बितरण गर्ने प्रस्ताव गरेको थियो। अब भने बैंकले ४ प्रतिशत बोनश शेयर र ३ दशमलव ७९ प्रतिशत नगद लाभांश बितरण गर्ने प्रस्ताव गरेको हो ।
राष्ट्र बैंकबाट ३ दशमलव ७९ प्रतिशतले हुन आउने बराबरको मात्र नगद लाभांश मात्र बितरण गर्न स्वीकृति प्राप्त भएकोले नगद लाभांशको दर सामान्य घटाउनु परेको बैंकले उल्लेख गरेको छ ।
बैंकको आगामी साधारणसभाले पारित गरेपछि उक्त लाभांश लगानीकर्तामा बितरण हुनेछ ।
