काठमाडौं । बाराही हाइड्रोपावर पब्लिक लिमिटेडले आयोजना प्रभावित स्थानीयलाई निष्काशन गरेको आइपीओ बाँडफाँड गरेको छ । बिक्रि प्रबन्धक एनआईबिएल एस क्यापिटलले बुधबार शेयर बाँडफाँड गरेको जनाएको छ ।
कम्पनीले आयोजना प्रभावित स्थानीयलाई कार्तिक ४ गतेदेखि कार्तिक २५ गतेसम्म आयोजना प्रभावित स्थानीयलाई आइपीओ बिक्रि खुला गरेको थियो ।
कम्पनीले बाग्लुङ जिल्लाको जैमिनी नगरपालिकाको सबै वडाका स्थानीयलाई आइपीओ निष्काशन गरेको हो । जसमध्ये वडा नम्बर १, ४, र ५ बढी प्रभावित रहेका छन् । कम्पनीले यी स्थानका स्थानीयलाई प्रति शेयर १०० अंकित दरका २ लाख ५० हजार कित्ता शेयर निष्काशन गरेको हो ।
आयोजना प्रभावितलाई निष्काशन गरेको आइपीओ बाँडफाँडपछि अब कम्पनीले आम सर्बसाधारणलाई ४ लाख ५० हजार कित्ता शेयर निष्काशन गर्नेछ ।
उक्त आइपीओको नतिजा क्यापिटलको वेबसाइट बाट हेर्न सकिने कम्पनीले जनाएको छ ।
