काठमाडौं । आरम्भ चौतारी लघुवित्त वित्तिय संस्था लि. को शाखा कार्यालय गोठगाउँ मोरङले १०० थान डस्टविन वितरण गरेको छ । सुन्दरहरैचा नगरपालिका वार्ड नं ४,५ र ७ मा अवस्थित टोल सुधार समितिलाई उक्त डस्टबिन हस्तान्तरण गरेको हो ।
सस्थाका अनुगमन अधिकृत होम प्रसाद अभिकारीको स्वागत मन्तब्यबाट शुरु भएको कार्यक्रममा टोल बिकास समितिका अध्यक्ष पोष्ट बहादुर श्रेष्ठ, सुन्दरहरैचा नगरपालिका वडा नं ७ का वडा अध्यक्ष भुवन सिंह आले मगर तथा यस सस्थाका संचालक सन्तोष पोख्रेल लगायतको उपस्थीती रहेको थियो । कार्यक्रममा बोल्दै वडा अध्यक्ष भुवन सिंह आले मगरले सस्थाले गरिब जनतालाई आर्थिक क्रियाकलापमा सहभागी गराई उनिहरुको आर्थिक तथा सामाजिक रुपान्तरणमा सहयोग गर्दै आएको बताए ।
कार्यक्रममा बोल्दै सस्थाका संचालक सन्तोष पोख्रेलले संस्थाले नाफा कमाउन मात्र नभई सामाजिक कार्य पनि गरिरहेको बताए । कार्यक्रममा संस्थाका बरिष्ठ कर्मचारी बिमल खनालको अध्यक्षता तथा वडा अध्यक्ष भुवन सिंह आले मगरको प्रमुख आतिथ्यमा कार्यक्रम सम्पन्न भएको थियो । कार्यक्रमको सहजीकरण अनुगमन अधिकृत रिपेन्द्र दाहालले गरेका थिए ।
