काठमाण्डौं । नागरिक लगानी कोषले १४ अर्ब रुपैयाँभन्दा बढी रकम मुद्दती निक्षेपमा लगानी गर्नको लागी वाणिज्य बैंकहरुसँग प्रस्ताव आह्वान गरेको छ । कोषले सार्वजनिक सूचना प्रकाशन गर्दै क वर्गका वाणिज्य बैंकहरुसँग एक वर्षे अवधिको मुद्दती निक्षेप स्वीकार्नको लागी शिलबन्दी प्रस्ताव पेश गर्न आह्वान गरेको छ । कोषले १४ अर्ब ६८ करोड ११ लाख रुपैयाँ मुद्दती निक्षेपमा लगानी गर्ने भएको हो ।
मुद्दती निक्षेप स्वीकार्न चाहने वाणिज्य बैंकहरुलाई कात्तिक ३० गते दिउँसो २ बजेसम्ममा लाहाछाप सहितको शिलबन्दी प्रस्ताव कोषको प्रधान कार्यालयमा दर्ता गर्न कोषले आग्रह गरेको छ ।
बैंक तथा वित्तीय संस्थाहरूमा लामाे समयदेखि तरलताकाे अभाव भइरहेका बेला बैंकिङ प्रणालीमा सर्वसाधारणकाे निक्षेप फर्किने क्रम शुरू भएकाे छ । साथै नागरिक लगानी काेषलगायत संस्थागत निक्षेपकर्ताबाट ठूलाे रकम मुद्दती निक्षेपवापत प्राप्त हुँदा वाणिज्य बैंकहरूलाई राहत मिल्नेछ ।
