काठमाडौं । राष्ट्रपति विद्यादेवी भण्डारी डब्लूपीएल ट्रेलब्लाजर अवार्डबाट सम्मानित हुने भएकी छिन् । प्रतिष्ठित महिला राजनीतिक नेत्रीहरुलाई प्रदान गरिने उक्त अवार्ड राष्ट्रपति भण्डारीलाई प्रदान गर्ने भएको हो ।
आइसल्यान्डको रेक्जाभिकमा आयोजना हुन गइरहेको रेक्जाभिक ग्लोबल फोरम वुमन लिडर्स विषयक सम्मेलनमा राष्ट्रपति भण्डारीलाई यो अवार्ड प्रदान गर्न लागिएको परराष्ट्र मन्त्रालयले जनाएको छ ।
दक्षिण एसियाली मुलुक नेपालमा राष्ट्रपतिको पदमा आसीन रहि नेपाल र विश्वकै महिलाको गरिमा बढाएको भन्दै राष्ट्रपति भण्डारीलाई उक्त सम्मान लागिएको परराष्ट्र मन्त्रालयले जनाएको छ ।
