काठमाडौं । छिमेक लघुवित्त वित्तीय संस्था लिमिटेडले चालु आर्थिक वर्षको पहिलो त्रैमाससम्मको अपरिष्कृत वित्तीय विवरण प्रकाशित गरेको छ। यस अवधिमा लघुवित्तको खुद नाफा ५३ दशमलव ७१ प्रतिशतले बढेको छ । यस अवधिमा कम्पनीले ३२ करोड ९१ लाख ८ हजार रुपैयाँ नाफा कमाएको छ । गत आर्थिक वर्षको सोही अवधिसम्ममा लघुवित्तले २१ करोड ४१ लाख रुपैयाँ खुद नाफा कमाएको थियो।
यस अवधिमा लघुवित्तको खुद ब्याज आम्दानी ३८ दशमलव ६२ प्रतिशतले बढेको छ भने कुल सञ्चालन आम्दानी २९ दशमलव ८५ प्रतिशत बढेको छ।
यस अवधिमा लघुवित्तको चुक्ता पूँजी स्थिर रहेको छ । यस अवधिमा कम्पनीको जगेडा कोष १०.४४ प्रतिशत बढेको छ। त्यसैगरी, लघुवित्तको निक्षेप तथा सापटी ४.७८ प्रतिशतले बढेको छ भने कर्जा लगानी २ दशमलव १५ प्रतिशतले बढेको छ।
यस अवधिमा लघुवित्तको प्रति शेयर आम्दानी ९ रुपैयाँ ८४ पैसा बढेर ५६ रुपैयाँमा ६४ पैसा पुगेको छ। असोज मसान्तसम्ममा लघुवित्तको मूल्य आम्दानी अनुपात १७.३९ गुणा रहेको छ भने प्रतिशेयर नेटवर्थ २७० रुपैयाँ ३० पैसा रहेको छ।
