काठमाडौं । ग्लोबल आइएमई बैंकले आफ्ना शेयरधनीलाई ४ वर्ष पुरानो लाभांश लिन आग्रह गरेको छ । कम्पनीले विभिन्न आर्थिक वर्ष २०६६/६७ देखि २०७०/७१ सम्मको नगद लाभांश हालसम्म पनि कतिपय शेयरधनीले नलिएकाले उनीहरुलाई उक्त लाभांश लिन आग्रह गरेको हो ।
नगद लाभांश लिन बाँकी शेयरधनीले कम्पनीको शेयर रजिष्ट्रार ग्लोबल आइएमई क्यापिटल लिमिटेड नक्सालमा सम्पर्क राखी लिन सकिने कम्पनीले जनाएको छ । कम्पनीले सूचना प्रकाशित भएको मितिले एक महिना अर्थात् मंसिर १७ गतेसम्म नगद लाभांश बुझी नलिएमा उक्त लाभांश रकम कम्पनी ऐनबमोजिम लगानीकर्ता संरक्षण कोषमा जम्मा हुने जनाएको छ ।
साथै आर्थिक वर्ष २०७३/७४,२०७५/७६ र आर्थिक वर्ष २०७६/७७ को नगद लाभांश खातामा रकमान्तर भई नसकेका शेयरधनीहरूले सम्बन्धित निक्षेप सदस्यकोमा गई आफ्नो बैंक खाता अद्यावधिक गर्न आग्रह गरेको छ ।
शेयर रजिष्ट्रारमा ग्लोबल आइएमई क्यापिटल लिमिटेड रहेको छ ।
