काठमाडौं । आज शेयर बजार नेप्से परिसूचक घटेको छ । हिजोसम्म लगातार बढेको बजारमा आज गिरावट आएको छ । आज नेप्से परिसूचक १६ दशमलव १४ अंकले घटेर १,९२२ दशमलव १६ को विन्दुमा कायम भएको छ । आज २७ कम्पनीको मात्र शेयर मुल्य बढेको छ आज १५३ कम्पनीको शेयर मुल्य घटेको छ ।
आज जीवन तथा निर्जीवन बीमा उपसूचक बाहेक सबै उपसूचक घटेका छन् । आज दिनभरिमा २२० कम्पनीको २७ लाख ६७ हजार ५३९ कित्ता शेयर किनबेच हुँदा ८९ करोड ८९ लाख ७ हजार रुपैयाँको शेयर कारोबार भएको छ । आज सबैभन्दा धेरै एभरेष्ट बैंकको शेयर कारोबार भएको छ । बैंकको ४ करोड ३ लाख रुपैयाँको शेयर कारोबार भएको छ ।
त्यस्तै, गरिमा विकास बैंक संस्थापक शेयर ३ करोड ६० लाख रुपैयाँको कारोबार भएको छ । अरुण कावेली पावरको ३ करोड ४५ लाख रुपैयाँको शेयर कारोबार भएको छ । एनआइसी एशिया बैंकको ३ करोड १७ लाख रुपैयाँको शेयर कारोबार भएको छ ।
आज सबैभन्दा धेरै युनिलिभर नेपालका लगानीकर्ताले कमाएका छन् । कम्पनीका लगानीकर्ताले ६ दशमलव ५६ प्रतिशतका दरले कमाएका हुन् । नविल व्यालेन्स्ड फण्डका इकाईधनीले ५ दशमलव ९२ प्रतिशतका दरले कमाएका छन् । सेञ्चुरी डिवेञ्चरका इकाईधनीले ३ प्रतिशतका दरले कमाएका छन् ।
आज सबैभन्दा धेरै विन नेपाल लघुवित्त वित्तीय संस्थाका लगानीकर्ताले गुमाएका छन् । कम्पनीका लगानीकर्ताले ४ दशमलव ९४ प्रतिशतका दरले गुमाएका हुन् ।
