काठमाडौं । राष्ट्रिय स्वतन्त्र पाटीले घोषणापत्र सार्वजनिक गरेको छ । विभिन्न दलहरुलेझै राष्ट्रिय स्वतन्त्र पाटीले पनि आफ्नो घोषणापत्रमा बीमालाई प्राथमिकतामा राखेको छ ।
रबि लामिछानेको अध्यक्षता रहेको उक्त पाटीको घोषणापत्रमा बीमा उद्योगलाई आधुनिकरण गर्न बीमा एकेडेमी बनाइने उल्लेख गरिएको छ । साथै बीमामा ठगी गर्ने बीमाक र बीमितलाई कडा कानुन बनाई कारबाहीको व्यवस्था गरिने जनाएको छ ।
यसका साथै उक्त घोषणापत्रमा देशभित्र र नेपाली नागरिकले खरिद गर्न नपाउने गरि डिजिटल मुद्रा माइनिङ (क्रिप्टो करेन्सी माइनिङ) लाई वैधानिकता दिइने उल्लेख गरिएको छ ।
बैंकिङ कारोबारका गतिविधि, कारोबारमा प्रयोग हुने भौतिक तथा डिजिटल साधनहरुको डाटा सुरक्षित गर्न कडा र स्पष्ट डिजिटल सेक्युरिटी प्रावधान सहितको कानुन बनाइने राष्ट्रिय स्वतन्त्र पाटीले घोषणापत्रमा जारी गरेको छ ।
