काठमाडौं । ललितपुर जिल्ला प्रतिनिधिसभा निर्वाचन क्षेत्र नं ३ बाट उम्मेद्वारी दिएकी डा. तोसिमा कार्कीको उम्मेदवारी रद्ध गर्ने निर्वाचन आयोगको निर्णयमा सर्वाेच्च अदालतले रोक लगाएको छ । सर्वाेच्चले अन्तिम फैसला नहुँदासम्मका लागि अन्तरिम आदेश दिएको हो ।
सर्वाेच्चका न्यायधिश डा.कुमार चुडालको एकल इजलासले उनको उम्मेदवारी खारेज गर्ने निर्वाचन आयोगको निर्णय कार्यन्वयन नगर्न र उनको उम्मेदवारी कायम राख्न अन्तरिम आदेश दिएको हो ।
ऋायोगले आफ्नो उम्मेद्वारी रद्ध गर्ने निर्णय गरेपछि डा. तोसिमाले उक्त निर्णय विरुद्ध सर्वोच्च अदालतमा रिट दायर गरेकी थिइन् । आयोगले उनलाई अयोग्य कायम गर्ने निर्णय गरेपछि उनले रिट दायर गरेकी थिइन् । उनले निर्वाचन आयोग नेपालको मुख्य निर्वाचन अधिकृतको कार्यालय ललितपुर जिल्ला प्रतिनिधि सभा निर्वाचन क्षेत्र न.३ र नेपाल मेडिकल काउन्सिल बाँसबारी काठमाडौंलाई विपक्षी बनाई रिट दायर गरेकी थिइन् ।
