काठमाडौं । दशैको समयमा बैंकिङ प्रणालीबाट बाहिरिएको निक्षेप पुनः बैंकमा फर्किन थालेको छ । दशै विदामा ८ अर्ब रुपैयाँ निक्षेप बाहिरिएको थियो । तर दशै विदा पछि सातामा पुन ८ अर्ब रुपैयाँ नै प्रणालीमा आएको हो ।
निक्षेप थपिए पनि कर्जा विस्तार भने स्थिर छ । निक्षेप ८ अर्ब थपिएर कर्जा स्थिर हुँदा सिडी रेसियोमा पनि सामान्य सुधार भएको छ । बैंकहरुको सिडी रेसियो ८६.९६ प्रतिशत छ । सिडी रेसियो जति तल झर्छ बैंकहरुको कर्जा प्रवाह गर्न सक्ने क्षमता बढ्दै जान्छ ।
असोज २८ गतेसम्ममा बाणिज्य बैंकहरुले ४५ खर्ब १९ अर्ब रुपैयाँ निक्षेप संकलन गरेका छन् । त्यस्तै कर्जा विस्तार भने ४१ खर्ब ९३ अर्ब रुपैयाँ छ । जुन यस साता स्थिर रह्यो । दशैको अवधिमा भने कर्जा विस्तार ४ अर्बले घटेको थियो । बैंकहरुले असोज महिनामा निक्षेपको व्याजदर बढाए पनि प्रणालीमा खासै निक्षेप आउन सकेन । कार्तिकमा भने निक्षेपको व्याजदरलाई स्थिर राखिएको छ ।
