काठमाडौं । नेप्सेमा ९ निर्जीवन बीमा, ४ जीवन बीमा र एउटा पुनर्बीमा कम्पनीको मात्र शेयर कारोवार हुने गर्दछ । मर्जरको कारण धेरै कम्पनीहरुको शेयर कारोवार रोक्का रहेको छ । नेप्सेमा कारोवार हुने एक मात्र पुनर्बीमा कम्पनी नेपाल पुनर्बीमा कम्पनीको पूँजीकरण भने बीमा कम्पनी मध्येकै सर्वाधिक धेरै रहेको छ । नेपाल पुनर्बीमा कम्पनीको बजार पूँजीकरण ७१ अर्ब ३१ करोड रहेको छ ।
त्यस्तै निर्जीवन बीमा कम्पनी मध्ये सबै भन्दा धेरै पूँजीकरण भएको कम्पनीमा राष्ट्रिय बीमा कम्पनी रहेको छ भने जीवन बीमा तर्फ नेपाल लाइफ इन्स्योरेन्स रहेको छ । राष्ट्रिय बीमा कम्पनीको बजार पूँजीकरण ३३ अर्ब ९१ करोड छ भने नेपाल लाइफको पूँजीकरण ४७ अर्ब ३५ करोड रहेको छ ।
कम्पनीमा कायम शेयर संख्यालाई बजार मूल्यले गुणान गर्दा बजार पूँजीकरण निस्किन्छ ।
र यो पनि :
कुन कुन कम्पनीको घटबढले नेप्सेलाई पार्छ सर्वाधिक असर ?
निर्जीवन बीमामा सर्वाधिक पूँजीकरण राष्ट्रिय बीमा कम्पनीको :
शेयर संख्या कम भए पनि राष्ट्रिय बीमा कम्पनीको बजार मूल्य १२ हजार माथि रहेकाले नै कम्पनीको पूँजीकरण निर्जीवन बीमा कम्पनी मध्ये कै धेरै रहेको छ । असोज १३ गते कम्पनीको बजार मूल्य १२ हजार ७१९ रहेको छ भने कम्पनीको चुक्ता पुँजी २६ करोड ६६ लाख रहेको छ। कम्पनीको बजार पूँजीकरण ३३ अर्ब ९१ करोड रहेको छ ।
त्यस्तै दोश्रोमा शिखर इन्स्योरेन्सको पूँजीकरण रहेको छ। शिखरको पूँजीकरण १६ अर्ब ३२ करोड रहेको छ।
जीवन बीमामा सर्वाधिक पूँजीकरण नेपाल लाइफको :
नेपाल लाइफको पुँजी धेरै भएकाले कम्पनीको पूँजीकरण जीवन बीमा कम्पनी मध्ये सर्वाधिक रहेको छ। कम्पनीको पूँजीकरण ४७ अर्ब ३५ करोड छ । ८ अर्ब २० करोड चुक्ता पुँजी भएको कम्पनीको बजार मूल्य ५७७ रुपैयाँ रहेको छ ।
