Prabhu Life Ad Final

जीवन बीमा कम्पनीका सिइओको तलब एक करोड ३३ लाखसम्म, कुन कम्पनीका सिइओको तलब सुविधा कति (सूचीसहित)

काठमाडौं । जीवन बीमा आफैंमा कठिन र जटिल व्यवसाय हो । यस्तो व्यवसायको नेतृत्व गर्ने प्रमुख कार्यकारी अधिकृत अन्य कम्पनीका भन्दा बढी जिम्मेवार हुनुपर्छ । बजारीकरणको शीपदेखि स लिएर कुशल व्यवस्थापकको जिम्मेवारी बहन गर्नु पर्ने भएकाले पनि बैंकिङ क्षेत्र पछि आकर्षक तलब सुविधा जीवन बीमा कम्पनीका प्रमुख कार्यकारी अधिकृतले भुक्तानी लिइरहेका हुन्छन् ।

जीवन बीमा कम्पनीहरुले सार्वजनिक गरेको पछिल्लो लेखापरीक्षण प्रतिवेदनका आधारमा सबैभन्दा धेरै तलब सुविधा उपलब्ध गराउनेमा एशियन लाइफ पर्छ । कम्पनीले दिएको उक्त तलब सुविधा आर्थिक वर्ष २०७७-७८ मा एशियन लाईफ इन्स्योरेन्सको प्रमुख कार्यकारी अधिकृतले १ करोड ३३ लाख २ हजार ६ सय ९० रुपैयाँ तलब भत्तासहितको सुविधा वापत भुक्तानी लिएका छन्। आव २०७७/७८ को साउनमा राजेश कुमार श्रेष्ठले र २०७७ माघदेखि २०७८ असारसम्मको तलब भत्ता दिनेश लाल श्रेष्ठले भुक्तानी लिएका हुन् । यसबीच २०७७ भदौदेखि पुस मसान्तसम्म निमित्त प्रमुख कार्यकारी अधिकृत होम बहादुर श्रेष्ठले कम्पनी सम्हालेका थिए।

NLIC

कूल बीमाशुल्क आम्दानीको आधारमा एशियन लाईफ इन्स्योरेन्स छैठौं स्थानमा रहेको छ भने प्रथम बीमाशुल्क आम्दानीको आधारमा आठौं स्थानमा रहेको छ।तर तलब भत्तामा एक नम्बरमा देखिएको छ।

एकै आ.व. मा दुईजना प्रमुख कार्यकारी अधिकृत  रहेको र पुरा कार्यकाल समेत नसम्हालेको हुँदा एशियन लाईफ इन्स्योरेन्सको प्रमुख कार्यकारी अधिकृतको वास्तविक तलब भत्ता सुविधावापतको रकम आ.व. २०७७-७८ मा छुट्याउन कठिन भएपनि २०७८-७९ को प्रतिवेदनबाट प्रष्ट हुनेछ।

एशियन लाईफ पछि दोस्रो धेरै तलब सुविधा बुझ्नेमा नेपाल लाइफका प्रमुख कार्यकारी अधिकृत पर्छन् । कम्पनीले सार्वजनिक गरेको पछिल्लो लेखापरीक्षण प्रतिवेदन अनुसार आर्थिक वर्ष २०७६/७७ मा तत्कालिन प्रमुख कार्यकारी अधिकृत विवेक झाले एक करोड २६ लाख रुपैयाँ बुझेका थिए । कम्पनीले २०७७/७८ को लेखापरीक्षण प्रतिवेदन सार्वजनिक नगरेकोले तालिकामा समावेश गरिएको छैन ।

तेस्रो धेरै तलब सुविधा भुक्तानी लिनेमा नेशनल लाइफका सिइओ पर्दछन् । नेशनल लाइफले आर्थिक वर्ष २०७६/७७ मा तत्कालिन सिइओ भरत बहादुर बस्नेतले एक करोड १६ लाख रुपैयाँ लिएका थिए । बस्नेत २०७७ पुस बाट बाहिरिएका थिए ।

चौथो धेरै तलब लिनेमा मेट लाइफका सिइओ पर्छन् । मेट लाइफले प्रमुख कार्यकारी अधिकृत निर्मल काजी श्रेष्ठलाई आर्थिक वर्ष २०७७/७८ मा एक करोड १३ लाख रुपैयाँ तलब भत्ता तथा अन्य सुविधा उपलब्ध गराएको छ ।

पाँचौ धेरै तलब युनियन लाइफले आफ्नो सिइओलाई दिने गरेको छ । युनियन लाइफका सिइओ मनोजलाल कर्णले आर्थिक वर्ष २०७६/७७ मा ९१ लाख ८ हजार रुपैयाँ तलब सुविधा प्राप्त गरेका छन् । छैठौ धेरै तलब सुविधा उपलब्ध गराउनेमा प्राइम लाइफ पर्छ । प्राइम लाइफले आर्थिक वर्ष २०७६/७७ मा तत्कालिन सिइओ मनोज कुमार भट्टराइलाई ८९ लाख ८८ हजार रुपैयाँ दिएको छ ।

सातौ धेरै तलब सिटिजन लाइफका सिइओ पोषक राज पौडेलले लिएका छन् । पौडेलले आर्थिक वर्ष २०७६/७७ मा ८४ लाख १५ हजार रुपैयाँ भुक्तानी लिएका छन् । जीवन बीमा कम्पनीहरु मध्ये पौडेलको पर्सनालिटी फरक रहेको छ । जीवन बीमा क्षेत्रका बौद्धिक सिइओका रुपमा चिनिने पौडेलले नयाँ कम्पनीहरु मध्ये आकर्षिक तलब सुविधा लिने गरेका छन् ।

सिटिजन पछि धेरै तलब दिनेमा रिलायन्स लाइफ पर्छ । कम्पनीले आर्थिक वर्ष २०७६/७७ मा तत्कालिन सिइओ प्रविण रमण पराजुलीलाई ८४ लाख ९४ हजार रुपैयाँ तलब सुविधा दिएको थियो । पराजुली अहिले नेपाल लाइफको सिइओ हुन् ।

त्यस्तै नवौ धेरै तलब दिनेमा ज्योति लाइफ पर्छ । ज्योतिले प्रमुख कार्यकारी अधिकृत प्रकाश विक्रम खत्रीले आर्थिक वर्ष २०७६/७७ मा ७७ लाख ५५ हजार रुपैयाँ बुझेका थिए । खत्री यस आर्थिक वर्षमा साढे दुई महिना मात्रै पूर्ण सिइओ भए । त्यस भन्दा अगाडी उनैले निमित्तको रुपमा कार्यभार सम्हालेका थिए ।

दशौ धेरै तलब बुझ्नेमा एलआइसी नेपालका सिइओ लक्ष्मी प्रसाद दास पर्छन् । दासले आर्थिक वर्ष २०७६/७७ मा ७५ लाख ८५ हजार रुपैयाँ बुझेका थिए । उनले सञ्चालकको पनि जिम्मेवारी पाउने भएकाले यस बाहेक सञ्चालकले पाउने भत्ता पनि प्राप्त गर्छन् ।

एलआइसी पछि धेरै तलब बुझ्नेमा रिलायबल नेपालका प्रमुख कार्यकारी अधिकृत नारायण बाबु लोहनी पर्छन् । उनले आर्थिक वर्ष २०७६/७७ मा ७४ लाख ९१ भुक्तानी लिएका छन् । त्यस्तै सन नेपाल लाइफका राजकुमार अर्यालले ७० लाख ८२ हजार रुपैयाँ तलब भत्ता लिएका छन् ।

महालक्ष्मी लाईफका सिइओ रमेश कुमार भट्टराईले आर्थिक वर्ष २०७६/७७ मा ६९ लाख ९ हजार रुपैयाँ बुझेका थिए । सूर्या लाईफले आर्थिक वर्ष २०७६/७७ मा शिवनाथ पाण्डेलाई ६८ लाख ९६ हजार रुपैयाँ तलब भत्ता दिएको थियो । आइएमई आर्थिक वर्ष २०७६/७७ मा तत्कालिन प्रमुख कार्यकारी अधिकृत श्रीचन्द्र भट्टलाई ५५ लाख ६२ हजार रुपैयाँ तलब सुविधा दिएको थियो । भट्ट २०७५ भदौदेखि २०७७ असारसम्म आइएमई लाइफको सिइओ थिए ।

प्रभु लाइफले पनि प्रमुख कार्यकारी अधिकृतलाई आर्थिक वर्ष २०७६/७७ मा ४४ लाख २४ हजार रुपैयाँ भुक्तानी गरेको थियो । तत्कालिन प्रमुख कार्यकारी अधिकृत नारायण प्रसाद पौडेलले उक्त तलब बुझेका हुन् ।

गुराँस लाइफले आर्थिक वर्ष २०७५/७६ मा तत्कालिन प्रमुख कार्यकारी अधिकृत नारायण भट्टराइलाई ३६ लाख १४ हजार रुपैयाँ तलब सुविधा उपलब्ध गराएको थियो । कम्पनीले आर्थिक वर्ष २०७६/७७ को लेखापरीक्षण प्रतिवेदन तयार पारिसकेता पनि सार्वजनिक नगरेकाले समाचारमा आर्थिक वर्ष २०७५/७६ को तलब सुविधा मात्रै उल्लेख गरिएको हो । सानिमा लाइफले पनि आर्थिक वर्ष २०७६/७७ मा तत्कालिन महाप्रवन्धक शिवराज तिमल्सिनालाई २४ लाख ५२ हजार रुपैयाँ तलब सुविधा उपलब्ध गराएको थियो । सानिमा लाइफले धेरै लामो समय प्रमुख कार्यकारी अधिकृत बिना नै कम्पनी सञ्चालन गरेको थियो ।

जीवन बीमा कम्पनीहरुले कर्मचारीहरुलाई तलब तथा इन्सेन्टिभ बाहेक नियम अनुसार मुनाफाबाट बोनस रकम पनि उपलब्ध गराउने गरेको छ । यसका साथै कम्पनीलेहरुले गाडी, इन्धन, मोबाइल, पत्रपत्रिका लगायतका सुविधा दिने गरेका छन् ।

कुन कम्पनीको सिइओको तलब सुविधा कति 

यो खबर पढेर तपाईलाई कस्तो महसुस भयो ?

0%

खुसी

15%

दुःखी

54%

अचम्मित

15%

उत्साहित

15%

आक्रोशित

प्रतिक्रिया दिनुहोस्

ADBL

सम्बन्धित समाचार

Insurance Khabar Mobile App