काठमाडौं । अरुण काबेली पावर लिमिटेडले लाभांश घोषणा गरेको छ । कम्पनीको असोज २ गते अपरान्ह तीन बजे बसेको सञ्चालक समितिको बैठकले गत आर्थिक वर्ष २०७८/७९ को सञ्चित मुनाफाबाट १० प्रतिशत बोनस शेयर दिने प्रस्ताव गरेको हो ।
कम्पनीको चुक्ता पूँजी एक अर्ब ८५ करोड रुपैयाँ रहेको छ । प्रस्तावित बोनस शेयर वितरण पछि चुक्ता पूँजी २ अर्ब चार करोड रुपैयाँ पुग्नेछ । प्रस्तावित लाभांश कम्पनीको १२ औ वार्षिक साधारणसभाबाट अनुमोदन गरेपश्चात शेयरधनीले पाउने छन् ।
