काठमाडौं । श्रृजनशील लघुवित्त वित्तीय संस्थाले निष्काशन गरेको आईपीओ बाँडफाँड गर्ने भएको छ । बिक्रि प्रबन्धक सनराइज क्यापिटलले भदौ २७ गते सोमबार बिहान १० बजे क्यापिटलको कार्यालयमा शेयर बाँडफाँड गर्ने भएको हो ।
कम्पनीले ३ करोड ९३ लाख ७५ हजार रुपैयाँ बराबरको ३ लाख ९३ हजार ७ सय ५० कित्ता शेयर निष्काशन गरेको हो । जस मध्ये ५ हजार ४ सय ७० कित्ता कम्पनीका कर्मचारीहरुको लागि छुट्याईएको थियो भने १९ हजार ६ सय ९० कित्ता शेयर सामुहिक लगानी कोषहरुको लागि छुट्याईएको थियो । बाँकि रहेको ३ लाख ६८ हजार ५ सय ९० कित्ता शेयरको लागि सर्वसाधारणले आवेदन दिएका हुन् ।
न्युनतम १० कित्ता र अधिकतम १००० कित्ताको लागि दिन सकिने भएको यस कम्पनीको शेयर निष्काशनमा भने सनराइज क्यापिटल बिक्रि प्रबन्धकको रुपमा रहेको छ ।
