काठमाडौं । ङादी ग्रुप पावर लिमिटेडले असोज २ गतेदेखि हकप्रदमा अवितरित शेयर लिलाम गर्ने भएको छ । कम्पनीले हकप्रदमा अवितरित सर्वसाधारण समुहतर्फको १२ लाख ५७ हजार २ सय ९० कित्ता शेयर लिलाम गर्न लागेको हो ।
लिलामीमा राखिएको शेयर खरिदका लागि असोज १३ गतेसम्म आवेदन दिन सकिने छ । आवेदन दिंदा न्युनतम १०० कित्ता र अधिकतम पुरै कित्ताको लागि आवेदन दिनु पर्ने छ । सर्बप्रथम सबै भन्दा बढी मूल्य कबुल गर्नेलाई शेयर बाँडफाँड गरिने छ भने त्यसपछि दोस्रो बढी मूल्य कबुल गर्नेलाई शेयर बाँडफाँड गरिने । शेयर बाँकि रहेसम्म यहि प्रक्रियाद्वारा बढी मूल्य कबुल गरेको आधारमा शेयर बाँडफाँड हुने कम्पनीले जनाएको छ ।
शेयर लिलामी प्रक्रियाको लागि बिक्रि प्रबन्धकमा सिद्धार्थ क्यापिटल रहेको छ । क्यापिटलको कार्यालय नक्साल तथा सिद्धार्थ बैंकको शाखाहरु बिराटनगर, बिर्तामोड, बिरगंज, जनकपुर, हेटौडा, नारायणगढ, पोखरा, बाग्लुंग, बुटवल , घोराही, नेपालगंज, सुर्खेत, धनगडी र महेन्द्र नगर शाखाबाट बोलपत्र आवेदन बुझाउन र भर्न सकिने छ ।
कम्पनीले साउन १८ गतेदेखि भदौ ७ गतेसम्म हकप्रद बिक्रि खुला गरेको थियो। कम्पनीले हाल कायम चुक्ता पुँजी ७० करोड ६९ लाख ३२ हजार ४ सय रुपैयाँको १स्१।५ को अनुपातमा अर्थात् १५० प्रतिशत हकप्रदले हुन आउने १ करोड ६ लाख ३ हजार ९ सय ८६ कित्ता हकप्रद शेयर निष्काशन गरेको हो ।कम्पनीले हकप्रद निष्काशनको लागि असार २० गते बुक क्लोज गर्ने निर्णय गरेकोले असार १९ गतेसम्म कायम शेयरधनीले मात्र हकप्रद भर्न सक्ने व्यवस्था रहेको थियो ।
