काठमाडौं । दुई पुनर्बीमा कम्पनीले गत आर्थिक वर्षमा २६ अर्ब १८ करोड रुपैयाँ लगानी गरेका छन् । जस मध्ये नेपाल पुनर्बीमाको मात्रै १८ अर्ब ७४ करोड रुपैयाँ रहेको छ भने हिमालयन रिको ७ अर्ब ४४ करोड रुपैयाँ मात्रै छ ।
दुबै कम्पनीको सर्वाधिक धेरै बाणिज्य बैंकको मुद्दती निक्षेपमा रहेको छ । नेपाल पुनर्बीमाले बाणिज्य बैंकको मुद्दती निक्षेपमा १४ अर्ब २ करोड रुपैयाँ लगानी गरेको छ भने हिमालयनले ६ अर्ब ८५ करोड रुपैयाँ लगानी गरेको छ । हिमालयनले अहिलेसम्म बैंक वित्तीय संस्थाको मुद्ती निक्षेपमा मात्रै लगानी गरेको छ ।
सूचिकृत पब्लिक लिमिटेड कम्पनीको शेयरमा नेपाल पुनर्बीमाको मात्रै ९ करोड ४७ लाख रुपैयाँ लगानी रहेको छ । हिमालयनको छैन । बैंक वित्तीय संस्थाको ऋणपत्र तथा अग्राधिकार शेयरमा नेपाल पुनर्बीमाको एक अर्ब ७३ करोड रुपैयाँ लगानी छ भने हिमालयनको ५८ करोड ९० लाख रुपैयाँ लगानी छ । विकास बैंकको मुद्दती निक्षेपमा नेपाल पुनर्बीमाको एक अर्ब ४८ करोड रुपैयाँ लगानी रहेको छ । नेपाल पुनर्बीमाले संस्थापक शेयरमा मात्रै एक अर्ब लगानी गरिसकेको छ । अहिलेसम्म हिमालयनले लगानीका अध्यक्ष क्षेत्रमा प्रवेश गरिसकेको छैन ।
