काठमाडौं । पिपुल्स पावर लिमिटेडले निष्काशन गरेको आइपीओ बाँडफाँड सम्पन्न भइसकेको छ । उक्त आइपीओ आज बिक्रि प्रबन्धक प्रभु क्यापिटलको कमलादीस्थित कार्यालयमा बाँडफाँड भएको हो । तर नतिजा भने केही समयपछि मात्र हेर्न सकिने क्यापिटलले जनाएको छ ।
उक्त कम्पनीको आइपीओ नतिजा चार वटा साइटबाट हेर्न सकिनेछ । कम्पनीको वेबसाइट http://peoplespower.com.np बिक्री प्रबन्धकको वेबसाइट https://www.prabhucapital.com मेरो शेयरको वेबसाइट https://meroshare.cdsc.com.np/#/login सिडिएसले आइपीओ नतिजा हेर्न संचालक गरेको वेबसाइट https://iporesult.cdsc.com.np बाट हेर्न सकिने छ ।
आइपीओमा मागभन्दा बढी आवेदन पारेकाेले धिताेपत्र तथा बाँडफाँड निर्देशिका अनुसार गोलाप्रथबाट सदर भएका १५ लाख ५१ हजार ४१३ आवेदक मध्येबाट २ लाख २९ हजार ४६८ जनालाई न्युनतम १० कित्ताको दरले २२ लाख ९४ हजार ६८० कित्ता शेयर वितरण गरिएको छ । बाँकि भएको दुई कित्ता शेयर थप दुई जनालाई एक/एक कित्ता वितरण गरिएको छ ।
