काठमाडौ. । धौलागिरी लघुवित्त वित्तीय संस्था लिमिटेडले साउन २४ गतेदेखि २९ गतेसम्म निष्काशन गरेको आइपीओ भदौ ८ गते बाँडफाँड गर्ने भएको छ । बिक्री प्रबन्धक सनराइज क्यापिटलको कार्यालय कमलपोखरीमा बुधबार बिहान शेयर बाँडफाँड हुने जनाएको छ ।
क्यापिटलले आइपीओ प्रि अलोटमेन्टको काम भने सम्पन्न गरिसकेको छ । तर केहि काम बाँकी रहेकोले बुधबार मात्रै शेयर बाँडफाँड गर्ने तयारी भएको जनाएको छ । यस अघि क्यापिटलले मंगलबार बाँडफाँड गर्ने जनाएको थियो ।
कम्पनीले साउन २४ गतेदेखि सर्वसाधारणका लागि आइपीओ निष्काशन तथा बिक्री खुला गरेको हो । लघुवित्तले सर्वसाधारण समुह तर्फको ३ करोड ३१ लाख कित्ता मध्ये ०।५ प्रतिशत अर्थात ५ हजार १५५ कित्ता कर्मचारीहरुका लागि र ५ प्रतिशत अर्थात १६ हजार ५५० कित्ता सामूहिक लगानी कोषहरुलाई सुरक्षित गरिएको छ । कर्मचारी र सामुहिक लगानीकोषलाई बाँडफाँड पश्चात बल्ल सर्वसाधारणका लागि बाँकी रहेको तीन लाख ९ हजार २९५ कित्ता निष्काशन गरेको हो ।
आइपीओ बाँडफाँडपश्चात लघुवित्तको चुक्ता पूँजी १० करोड ३१ लाख रुपैयाँ पुग्नेछ । हाल राष्ट्रिय स्तरको उक्त लघुवित्त कम्पनीले ४४ वटा शाखा कार्यालयबाट सेवा विस्तार गर्दै आईरहेको छ । जसबाट करिब ३६ हजार ग्राहक सदस्यहरु मार्फत कुल १४४ करोड कर्जा विस्तार र ६८ करोड बचत संकलन गरेको छ ।
