काठमाडौं । नेपाल राष्ट्र बैंकले व्याजदर बढाउन अप्रत्यक्ष रुपमा दवाव दिदै गर्दा बैंकहरुले भने भदौ महिनाका लागि व्याजदर नबढाउने सहमति गरेका छन् । बैंकर्स संघले आधिकारिक रुपमै व्याजदर नबढाउने निर्णय गरेको छ ।
संघमा आवद्ध बैंकहरुले दुई साता अगाडी नै यस विषयमा सहमति गरिसकेका थिए । नेपाल राष्ट्र बैंकले संघको सहमतिलाई आपत्ती जनाउदै आएको थियो । अहिलेको मूल्य बृद्धि नियन्त्रण गर्न तथा मनि सप्लाइ घटाउनका लागि पनि राष्ट्र बैंकले व्याजदर बढाउनु पर्ने बताउदै आएको थियो । यसले गर्दा मौद्रिक नीतिमा पनि राष्ट्र बैंकले निक्षेप तथा कर्जाको लक्ष्य घटाएको छ ।
बैंकहरुले विगत ५ महिनादेखि व्याजदर बढाएका छैनन् । संघले भदौ महिनाका लागि पनि ११.०३ प्रतिशत व्याजदरलाई कायमै राख्ने सहमति गरेका हुन् । तर संस्थागत निक्षेपको व्याजदर भने ९.०३ प्रतिशत हुनेछ । व्याजदर बढाउदा पनि निक्षेप आउने भन्दै संघले व्याजदर नबढाउने सहमति गरेका हुन् । अहिले व्याजदर बढाउदा निक्षेपको मात्रै वढाउनु पर्ने हुन्छ । कर्जाको व्याजदर त्रैमाशिक रुपमा मात्रै बढाउन पाउने भएकाले बैंकहरुले अहिले व्याजर बढाउदा खर्च बढ्ने निष्कर्ष निकालेका हुन् । अर्को तर्फ यहि मंसिरमा चुनाव भएकाले चुनावमा बैंकिङ प्रणालीमा कालोधन आउन सक्ने भन्दै बैंकहरु निक्षेप बढ्ने अपेक्षा गरिरहेका छन् ।
