काठमाडौं । अभियान लघुवित्त वित्तीय संस्थाको आइपीओ सोमवार बाँडफाँड हुने भएको छ । आइपीओ बाँडफाँड विक्री प्रबन्धक मुक्तिनाथ क्यापिटलको कार्यालय नक्सालमा हुने जनाएको छ ।
कम्पनीको आइपीओमा अन्तिम दिनसम्म २० लाख ४३ हजार २० जनाले २ करोड ३१ लख १६ हजार ९० कित्ताका लागि आवेदन दिएका थिए । कम्पनीको आईपीओमा मागभन्दा २५ दशमलव २९ गुणा बढी आवेदन परेको छ । यस आधारमा कम्पनीको आइपीओ गोलाप्रथामार्फत बाँडफाँड हुनेछ ।
कम्पनीले ९ करोड ७५ लाख बराबरको ९ लाख ७५ हजार कित्ता आईपीओ सर्वसाधारणमा निष्काशन गरेको हो । कम्पनीले निष्काशन गरेको ९ लाख ७५ हजार कित्ता शेयरमध्ये शून्य दशमलव ५ प्रतिशत अर्थात् १२ हजार ५०० कित्ता कर्मचारीहरूका लागि तथा ५ प्रतिशत अर्थात् ४८ हजार ७५० कित्ता सामूहिक लगानी कोषहरूलाई सुरक्षित गरिएको छ भने बाँकी ९ लाख १३ हजार ७५० कित्ता शेयरका लागि सर्वसाधारणको लागि निष्काशन गरेको थियो ।
इक्रा नेपालले कम्पनीलाई इक्राएनपी इस्युअर रेटिङ’ डबल बी माइनस प्रदान गरेको छ । यसले कम्पनीको दायित्व बहन पूरा गर्ने क्षमतामा मध्यम जोखिम रहेको जनाउँछ ।
