काठमाडौं । जीवन विकास लघुवित्त वित्तीय संस्था लिमिटेडले गत आर्थिक वर्षमा चौथो त्रैमासको वित्तीय विवरण प्रकाशन गरेको छ । कम्पनीले अघिल्लो आर्थिक वर्षकोभन्दा १३ दशमलव ४० प्रतिशत बढी खुद नाफा आर्जन गरेको छ । अघिल्लो आर्थिक वर्षमा ६८ करोड ९५ लाखभन्दा बढी खुद नाफा गरेको कम्पनीले गत आर्थिक वर्षमा ७८ करोड १९ लाखभन्दा बढी खुद नाफा गरेको हो ।
यस अवधिमा कम्पनीको सञ्चालन नाफा ११२ दशमलव ९६ प्रतिशत बढी भएको छ । अघिल्लो आर्थिक वर्षमा ३८ करोड ३७ लाखभन्दा बढी सञ्चालन नाफा गरेको कम्पनीले गत आर्थिक वर्षमा ८१ करोड ७२ लाखभन्दा बढी संचालन मुनाफा गरेको हो ।
यस अवधिमा कम्पनीको चुक्ता पूँजी १ अर्ब ३ करोड ४२ लाख ८० हजार रहेको छ । जगेडा कोष रकम १७ दशमलव ७७ प्रतिशत बढी अर्थात् १ अर्ब ५४ करोड कायम भएको छ ।
अघिल्लो आर्थिक वर्षको तुलनामा कम्पनीको कर्जा सापटी साढे १ प्रतिशत बढी रहेको छ भने कर्जा प्रवाह १६ दशमलव २३ प्रतिशत बढी छ । कम्पनीले गत आवमा १८ प्रतिशत बढी निक्षेप संकलन गरेको छ ।
यस अवधिमा कम्पनीको प्रतिशेयर आम्दानी ७५ रुपैयाँ ६० पैसा रहेको छ भने कम्पनीको प्रतिशेयर नेटवर्थ २६९ रुपैयाँ ५१ पैसा रहेको छ ।
