काठमाडौं । केही दिनअघि गौतमश्री बहुउदेश्यीय सहाकारीको सञ्चालकहरु बचतकर्ताको पैसा खाएर भागेको भन्ने हल्ला चलेपछि बचतकर्ताहरु सहकारी विभागमा हारगुहार गर्न पुगेका थिए । तर सहकारीका अध्यक्ष रामबहादुर गौतमले भने आफू काम विशेषले केही दिनको लागि विदेश जाँदा पैसा खाएर भागेको आरोप लगाएको बताएका छन् ।
अध्यक्ष गौतमले आफू नेपाल फर्किसकेको र सहकारीको समस्या समाधानमा लागिसकेको बताएका छन् । कोभिड महामारीका कारण लकडाउनले पारेको समस्याका कारण सहकारीबाट प्रवाह गरेको कर्जा समयमा असुली हुन नसक्दा कार्यालय सञ्चालनमा समस्या आएता पनि आफुहरुले बचतकर्ताको रकम नियमित रुपमा फिर्ता गरिरहेको उनले बताएका छन् ।
संस्थाबाट प्रवाह भएको कर्जा असुलीमा समय लाग्ने भएपनि बचतकर्ताको रकम डुब्न नदिने र आफ्रनो जायजेथा र सम्पत्ति बेचेर भएपनि केहि महिनाभित्र रकम फिर्ता गर्ने उनको भनाई छ । उनले आफ्नो संस्थाको सुरक्षाको प्रत्याभुति गराइदिन सम्बन्धित निकायहरुलाई पनि अनुरोध गरेको छ ।
