काठमाडौं । मन्दकिनी हाइड्रोपावरले आयोजना प्रभावित क्षेत्रका बासिन्दाहरुको लागि निष्काशन गरेको आइपिओ बाँडफाँड सम्पन्न भएको छ । कम्पनीले आयोजना प्रभावित क्षेत्रका बासिन्दाका लागि जारी पूँजी ५८ करोड ८० लाख रुपैयाँको १० प्रतिशत अर्थात ५ करोड ८० लाख रुपैयाँको आइपिओ प्रभावित क्षेत्रका बासिन्दाका लागि जारी गरेको थियो ।
प्रभावित क्षेत्रका बासिन्दाका लागि निष्काशन गरेको सम्पुर्ण शेयर बिक्री भएको थियो । आवेदन दिने सबैले उक्त शेयर प्राप्त गरेको धितोपत्र निष्काशन तथा बिक्री प्रवन्धक बिओके क्यापिटल मार्केटले जनाएको छ ।
बाँडफाँडमा नपरेको शेयरको रकम यहि साउन एकगतेदेखि फिर्ता गरिने कम्पनीले जनाएको छ । प्रभावित क्षेत्रका बासिन्दाका लागि गत असार एक गतेदेखि २२ गतेसम्म निष्काशन गरिएको थियो । अव कम्पनीले सर्वसाधारण समुह तर्फको ११ करोड ५६ लाख रुपैयाँको आइपिओ जारी गर्नेछ । सर्वसाधारणका लागि शेयर जारी पश्चात कम्पनीको चुक्ता पूँजी ५८ करोड ८० लाख रुपैयाँ पुग्नेछ ।
कम्पनीले कास्की जिल्लामा ४ मेगावाट क्षमता सार्दिखोला जलविद्युत आयोजना निर्माण गरिरहेको छ । आयोजनाको कुल लगात ८३ करोड १० लाख रुपैयाँ पर्नेछ । प्रतिमेगावाट लागत २० करोड ७७ लाख रुपैयाँ पर्न आउछ ।
