काठमाडौं । अपर सोलु हाइड्रो इलेक्ट्रिक कम्पनीको शेयर बाँडफाँड सम्पन्न भएको छ । कम्पनीको आज बाँडफाँड भएको आइपिओबाट एक लाख ८२ हजार ४७ जनाले १०/१० कित्ताको दरले शेयर प्राप्त गरेका छन् ।
कम्पनीले सर्वसाधारण समुहको १९ लाख ५७ हजार ५०० कित्ता शेयर मध्ये २ प्रतिशत अर्थात ३९ हजार १५० कित्ता कर्मचारीहरुले प्राप्त गरेका छन् । त्यस्तै ५ प्रतिशत अर्थात ९७ हजार ८७५ कित्ता शेयर सामुहिक लगानीकोषले खरिद गरेका छन् ।
कर्मचारी र सामुहिक लगानीकोषलाई बाँडफाँड गरेर बाँकी रहेको १८ लाख २० हजार ४७५ कित्ता शेयर सर्वसाधारणका लागि जारी गरिएको छ । जसमा एक लाख ८२ हजार ४७ जनाले १०/१० कित्ता र उनिहरु मध्येको भाग्यमानी ५ जनाले थप एक कित्ता गरी ११ कित्ता शेयर प्राप्त गरेका छन् ।
कम्पनीले असार २० गतेदेखि २३ गतेसम्म निष्काशन गरेको आइपिओमा १४ लाख ४६ हजार ९८५ जनाले एक करोड ६१ लाख ६० हजार ३८० कित्ता शेयरको लागि आवेदन दिएका छन् । आइपिओको नतिजा मेरो शेयरको अनलाइन एप्लिकेसन मेरो शेयर रिजल्टबाट हेर्न सकिनेछ । त्यस्तै मेरो शेयरको अनलाइन, बिक्री प्रवन्धक एनएमबी क्यापिटलको वेवसाइटबाट हेर्न सकिनेछ ।
