काठमाडौं । चालु आर्थिक वर्षको ११ महिनामा बैंक तथा वित्तीय संस्थाले ७१ अर्ब ९ करोड रुपैयाँ मुनाफा आर्जन गरेका छन् । यस अवधिमा सबैभन्दा धेरै ग्लोबल आइएमई बैंकले ४ अर्ब ८५ करोड रुपैयाँ मुनाफा आर्जन गरेको छ । दोस्रो नम्बरमा रहेको एनआईसी एशियाले ४ अर्ब ५९ करोड रुपैयाँ मुनाफा आर्जन गरेको छ । यस अवधिम एनआईसी एशियाले सर्वाधिक धेरै छलाङ मारेको हो ।
तेस्रो स्थानमा रहेको राष्ट्रिय बाणिज्य बैंकले तीन अर्ब ९२ करोड रुपैयाँ मुनाफा आर्जन गर्दा नविल भने चौथो नम्बरमा झरेको छ । नविलको जम्मा तीन अर्ब ८२ करोड रुपैयाँ मात्रै छ । पाँचौ नम्बरमा रहेको प्राइमको मुनाफा तीन अर्ब ५४ करोड रुपैयाँ छ ।
यस महिनामा पनि राष्ट्रिय स्तरको विकास बैंक मुक्तिनाथले बाणिज्य बैंकहरु ग्लोबल आइएमई र सिभिल बैंकलाई उछिनेको छ । मुक्तिनाथको मुनाफा एक अर्ब २६ करोड रुपैयाँ छ । बाणिज्य बैंकहरु मध्ये सर्वाधिक कम सिभिलको एक अर्ब २१ करोड रुपैयाँ छ । तर यस पटक सिभिलको मुनाफामा उल्लेख्य सुधार आएको छ ।
