काठमाडौं । नेपाल एसबिआई बैंक लिमिटेडले असार २२ गतेदेखि खुल्ला गरेको ऋणपत्र निष्काशनमा समय थप भएको छ । कम्पनीले ५ वर्षे अवधिकोे वार्षिक १० दशमलव २५ प्रतिशत ब्याजदरमा ‘नेपाल एसबिआई बैंक ऋणपत्र २०८३’ निष्कासन गरेको हो ।
असार २२ बिक्रि खुल्ला गरिएको ऋणपत्रमा असार २६ गतेसम्म आवेदन दिन सकिने. भनिएता पनि साउन ४ गतेसम्म आवेदन दिन मिल्नेगरि समय थप गरिएको हो । लगानीकर्ताले न्यूनतम २५ कित्तादेखि अधिकतम १२ लाख कित्ताका लागि आवेदन दिन सक्नेछन् ।
बैंकले प्रतिकित्ता १ हजार रुपैयाँ अंकित मूल्यका ३ अर्ब रुपैयाँ बराबरको ऋणपत्र निष्काशन गर्न लागेको हो । जसमध्ये ४० प्रतिशत अर्थात् १२ लाखकित्ता सर्वसाधारणलाई विक्री गरिने छ भने बाँकी ६० प्रतिशतअर्थात् १८ लाख कित्ता व्यक्तिगत तवरबाट विक्री गरिने कम्पनीले जानकारी दिएको छ । सो ऋणपत्रमा कुनै पनि सामूहिक लगानीकोषले आवेदन दिएका छैनन् ।
बैंकको ऋणपत्र निष्काशन तथा विक्री प्रबन्धकमा सानिमा क्यापिटल लिमिटेड रहेको छ ।
लगानीकर्ताले मेरो शेयरको वेबसाइटका साथै मेरो शेयर एप, सी–आस्बा सदस्य बैंक तथा वित्तीय संस्था र तिनका शाखा कार्यालयबाट सो ऋणपत्र खरीदका लागि आवेदन दिन सक्नेछन् ।
