काठमाडौं । नेपाल स्टक एक्सचेन्ज (नेप्से) मा एक्सेल डेभलपमेन्ट बैंकको शेयर मूल्य समायोजन भएको छ । बैंकले साधारणसभा प्रयोजनका लागि आज बुक क्लोज गरिएको छ । बुक क्लोज सँगै नेप्सेले बैंकको शेयर मूल्य समायोजन गरेको हो । बैंकले हाल कायम चुक्ता पूँजीको ८.५० प्रतिशत लाभांश प्रस्ताव गरेको छ । बोनस शेयरको मूल्य समायोजन सँगै बैंकको शेयर मूल्य प्रति कित्ता ३२० रुपैयाँ कायम भएको छ । पछिल्लो कारोबार हुँदाको मूल्य ३४८ रुपैयाँ थियो ।
बैंकले लाभांश पारित गर्न गर्न साउन ९ गते सिद्धार्थ होटल विर्तामोडमा सोह्रौं बार्षिक साधारणसभाको आयोजना गरेको छ । उक्त साधारणसभा सोहि दिन विहान ११ बजेदेखि सञ्चालन हुने बैंकले जनाएको छ ।
सभाले हाल कायम चुक्ता पूँजीको ८ दशमलव ५० प्रतिशत बोनस शेयर र सोको कर प्रयोजनार्थ ५१ लाख ५२ हजार ७५४ रुपैयाँ बराबरको नगद लाभांश वितरण गर्ने प्रस्ताव पारित गर्नेछ ।
यसका साथै अन्य उपयुक्त बैंक तथा वित्तीय संस्थासँग मर्ज अथवा एक्विजिशन सम्बन्धी कार्य गर्न र प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, प्रदेशस्तरिय बैंक बनाउन कार्यक्षेत्र विस्तार गर्ने लगायतका प्रस्तावहरु पारित गर्नेछ ।
